شو لو كان كل اللي بتشوفه مجرد ظلال؟ بأولى حلقات فلسفجي، بناخدكم على كهف أفلاطون، وبنحكي عن الكهف الرقمي اللي عايشين فيه اليوم، وعن الفرق بين الإدراك والمنظور، وكيف تشوف العالم من عيون غيرك
شو لو كان كل اللي بتشوفه حواليك... مجرد ظلال على حيط؟
بأولى حلقات فلسفجي، تعالوا نغوص سوا بموضوع "قوة الإدراك"، يعني كيف إننا منشوف العالم ومنحس فيه بس من خلال حواسنا وقناعاتنا الداخلية. ليش كاسة الحليب عند واحد متعة، وعند صاحبه وجع بطن؟ 😄 وهالفكرة البسيطة بتطلع أكبر بكتير لما نطبقها على الأفكار، نمط الحياة، تربية الأطفال، وحتى السياسة
رح نفوت مع بعض على كهف أفلاطون، وبعدين رح نكتشف قديش هالكهف قريب منا اليوم، خصوصا مع انستاغرام ومواقع التواصل اللي بتعرض لنا حياة الناس مفلترة ومزينة
وبالآخر، بنحكي عن الفرق بين الإدراك والمنظور، وكيف إنك لما تحط حالك مكان الشخص اللي قدامك، بتفهمه أكتر وبتبني معه علاقة أقوى مبنية على التعاطف
اسمعوا الحلقة، وما تنسوا تشتركوا بفلسفجي من وين ما بتسمعوا البودكاست